Haus in Wien 15

die türkischn neubürger ziagn siemaneinzg unten ein
sie sprechn kaum deitsch oba sie bereichan uns ungemein
und wonns im vorhaus an hamml schlachtn
und um fünfi gen mekka schmachtn
denk i ma kuntat d stodt nu a weng bunter sein?
uns hausmasta
klaus hasta
schreit donn meist: aus gfrasta!
er liebt seine türkn wiewohl ausländer mog a gern
er soagt sich um sie und wü sie in loga sperrn
traamt vun ana zeit die zum glick längst fagessn is
und hot meist an sitzn grod seitdem er gsessn is
togsüba sitzta in da wirtschaft im hochparterre
dorthin kräut jeda sandla im hieb aus seim loch daher
dort saufens dann alle in de rauchign nebelschwadn
und hoin si zum lungenkrebs a nu an leberschadn
und wann mis gfüh beschleicht
i hob ned vü erreicht
gib i ma de gala bis dass jeda besoffn is
und waas dass de skala a owizua offn is
de zwa hawara drüba in da erstn etasch
zöhn scho seits zwöfe woan nua zua bagasch
ma siagts an da eckn
sie fakaufn tablettn
die die apothekn
nia im angebot hättn
sie feian bis fünf und si schlofn bis hoiba fia
und importiern aus afghanistan ganz ohne zoibapier
ob und zua homs gnuag göd fia de serbin im zweitn stock
ma siagts oft am gehsteig oba nia mit am breitn rock
sie is a arms madl dessn schicksal mich dauert
oba ned sovü dass i ned a zu ihr schauert
an leerstand hamma im drittn stock obm
wei eam homs eingnaht und sie hobms begrobm
s kind is im heim
da hund is jetzt leim
und sunst mecht eh kana des ratznloch hobm
drüba wohn i und do drübe da franz
eine kapazität auf dem gebiet der finanz
er woa mitoabeita bei da gewerkschaftsbank
und wann de behörden net so genau hergschaut habm
hot da franzl gschwind a poa milleonen faschobm
drum wohnta in unsam haus hoid a ganz obm
doch er woa a klans radl des beim deal ned vü z gwinnan hat
drum stehts penthouse in fünfhaus und ned in da innan stadt
so fagengan de tog und mia fagehts won i s siag
meine grindign nochban und mein schiachen beziak
wer reich is reisst o noch pfaduz und maderia
i bleib im fuchzehntn und daher kheria

Das ist geboten

so gott wy
kon is liacht ywahoin
... und INSCHALLAH